Türkiyə İrəvan və Bakının sülh müqaviləsi imzalaya bilməsi üçün şəraitin yaradılmasını gözləyir.

"Azerbaycanxeberleritv.az" xəbər verir ki, bu barədə Türkiyə Təhlükəsizlik Şurasının bəyanatında deyilir.

Türkiyə prezidenti Rəcəb Tayyib Ərdoğanın sədrliyi ilə cümə axşamı Şuranın iclası keçirilib.

“Görüş iştirakçıları Azərbaycan və Ermənistanın sülh müqaviləsi layihəsi üzrə konsensus əldə etməsindən məmnun olduqlarını bildiriblər və yekun sülhün bərqərar olması üçün zəruri şərtlərin gözləndiyini bir daha bəyan ediblər. Bunun nəticələri regionda bütün tərəflər üçün faydalı olacaq”, - deyə məlumatda bildirilir.