Xəbər verdiyimiz kimi, dünən İrəvanın Respublika meydanında ermənilər növbəti dəfə barbarlıqlarını nümayiş etdirərək Azərbaycan və Türkiyə bayraqlarını yandırıblar.

"Azerbaycanxeberleritv.az" xəbər verir ki, bu barədə Ermənistan Respublikasının baş nazirinin mətbuat katibi Nazeli Bağdasaryan açıqlama yayıb.

Baş nazirin mətbuat katibi məşəl yürüşü zamanı Türkiyə və Azərbaycan bayraqlarının yandırılması ilə bağlı baş nazir Nikol Paşinyanın münasibətini çatdırıb: "Baş nazir Paşinyan bu praktikanı pisləyir, bunu məsuliyyətsiz və qəbuledilməz hesab edir. Beynəlxalq səviyyədə tanınmış dövlətin, xüsusən də qonşu dövlətlərin bayraqlarının yandırılmasına dövlət başçısı tərəfindən başqa cür yanaşmaq olmaz. Bu, təxribatçı və təhrikedici bir təcrübədir".