Hindistan və Pakistanın hərbi komandanlıqları qoşunların sərhədlərdən çıxarılmasını təmin etmək üçün tədbirləri nəzərdən keçirmək qərarına gəliblər.

"Azerbaycanxeberleritv.az" xəbər verir ki, bu barədə Hindistan Silahlı Qüvvələrinin bəyanatında deyilir.

Bəyanatda bildirilir ki, Hindistan və Pakistandakı hərbi əməliyyatların komandirləri arasında mayın 12-də axşam saatlarında danışıqlar baş tutub.Hər iki tərəf qoşunların sərhədlərdən və irəli bölgələrdən çıxarılmasını təmin etmək üçün təcili tədbirləri nəzərdən keçirmək barədə razılığa gəliblər.

Danışıqlar zamanı tərəflərin atəş açmamaq, bir-birinə qarşı hər hansı təcavüzkar və düşmənçilik hərəkətləri etməmək öhdəliyi ilə bağlı məsələlər də müzakirə olunub.