SOCAR-ın “Azneft” İstehsalat Birliyi ilə bağlı növbəti dəfə cərimə protokolu imzalanıb.

"Azerbaycanxeberleritv.az" xəbər verir ki, “Azneft” İB-in İnzibati Xətalar Məcəlləsinin gömrük qaydaları əleyhinə olan 485.2-ci maddəsini pozduğu məıum olub. Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.

“Azneft” İB-lə bağlı iş baxılması üçün Səbail rayon Məhkəməsinə göndərilib. Sabah – 30 may tarixində hakim Azər Tağıyevin sədrliyi ilə işə baxılacaq.

Qeyd edək ki, Azərbaycan Dövlət Neft Şirkətinin (SOCAR) “Azneft” İstehsalat Birliyinin baş direktoru Əli Qurban oğlu Qurbanovdur. //Tribunainfo.az