Davam edən etirazlar səbəbindən Los-Ancelesin bəzi bölgələrində komendant saatı tətbiq edilib.

"Azerbaycanxeberleritv.az" xəbər verir ki, bu barədə Los-Ancelesin meri Karen Bass "X"da məlumat yayıb.

"Mən Los-Ancelesin mərkəzində bu axşam saat 20:00-dan başlayaraq komendant saatı elan etmişəm. Əgər Los-Ancelesin mərkəzində yaşamır və ya işləmirsinizsə, lütfən, ərazidən uzaqlaşın. Hüquq-mühafizə orqanları komendant saatını pozan hər kəsi həbs edəcək", - məlumatda qeyd olunub

İyunun əvvəlində Los-Anceles şəhərinin mərkəzində qeyri-qanuni immiqrantları hədəf alan ICE reydi etirazçılarla zorakılığa çevrilib. Ağ Ev rəsmiləri şəhərin etirazlarını “qanunlara qarşı üsyan” adlandırıblar. Kaliforniya Milli Qvardiyası tezliklə Los Ancelesə gəlib.

Etirazlar iyunun 6- da başlayıb və bu günə kimi sönməyib, etirazlar hər gün daha da aqressivləşir.