05.12.2024-cü il tarixində saat 12:40 radələrində Xəzər rayonunun Mərdəkan qəsəbəsində Xəzər Təcili və Təxirəsalınmaz Tibbi Yardım Stansiyasının sanitar avtomobili qəzaya uğrayıb.

Bu barədə "Azərbaycanxeberleritv. az"ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Qeyd olunub ki, hadisə nəticəsində xəsarət alan olmayıb.

Faktla bağlı araşdırma aparılır

Bakıda yol nəqliyyat hadisəsi baş verib.

"Azərbaycanxeberleritv. az"ın məlumatına görə, hadisə Xəzər rayonunun Mərdəkan qəsəbəsində qeydə alınıb.

Belə ki, "Khazar" markalı maşınla "Mercedes-Benz" markalı təcili tibbi yardım avtomobili toqquşub.

Hadisə nəticəsində hər iki avtomobilə ciddi ziyan dəyib, təcili yardım avtomobili isə aşıb.