Niderlandın xarici işlər naziri Kaspar Veldkamp və onun rəhbərlik etdiyi nümayəndə heyətinin üzvləri Ermənistan-Azərbaycan sərhədinə gəliblər.

Azerbaycanxeberleritv.az xəbər verir ki, bu barədə XİN başçısı X hesabındakı paylaşımında bildirib.

Veldkamp Avropa Birliyinin "missiyası"nın üzvləri ilə görüşüb. Missiyanın müşayiəti ilə sərhədə gəlib və burada monitorinq prosesində iştirak edib.

Qeyd edək ki, Niderlandın XİN başçısının rəhbərlik etdiyi nümayəndə heyəti ötən gün Ermənistana səfər edib. Veldkamp Ermənistanın xarici işlər naziri Ararat Mirzoyanla görüşüb.