azerbaycanxeberleritv.az » Manşet » Zelenski Londonda Ukrayna ilə bağlı görüşün tarixini açıqladı
Manşet / Dünya / 22-04-2025, 10:30

Zelenski Londonda Ukrayna ilə bağlı görüşün tarixini açıqladı

Zelenski Londonda Ukrayna ilə bağlı görüşün tarixini açıqladı

Azerbaycanxeberleritv.az: - Ukrayna Böyük Britaniya, Fransa və ABŞ ilə birlikdə aprelin 23-də Londonda Rusiya ilə müharibəyə son qoymağın yollarını müzakirə edəcək.

Bu barədə Ukrayna Prezidenti Volodimir Zelenski "X” sosial şəbəkəsində məlumat verib.

Ukrayna dövlət başçısının sözlərinə görə, o, Böyük Britaniyanın Baş naziri Kir Starmerlə yaxşı və ətraflı danışıqlar aparıb.

"Artıq çərşənbə günü nümayəndələrimiz Londonda işləyəcək. Ukrayna, Böyük Britaniya, Fransa, ABŞ. Biz real və davamlı sülhün bərqərar olması ilə qeyd-şərtsiz atəşkəsə nail olmaq üçün mümkün olan ən konstruktiv şəkildə irəliləməyə hazırıq”, - Zelenski vurğulayıb.

O qeyd edib ki, əlavə şərtlər olmadan atəşkəs sülhə doğru ilk addım olmalıdır və Pasxa Rusiyanın hərəkətlərinin müharibənin uzanmasına səbəb olduğunu göstərib.

Zelenski əlavə edib ki, Starmer ilə Avropa təhlükəsizlik formatlarında birgə işi müzakirə edib.

Xatırladaq ki, ötən həftə Ukrayna, Amerika, Almaniya, Fransa və Britaniya rəsmiləri Parisdə danışıqlar aparıb. Onlar Ukrayna və Rusiya arasında davamlı sülhün əldə edilməsi imkanlarını müzakirə ediblər.

Danışıqlarda iştirak edən Ukrayna Prezidentinin Ofisinin rəhbəri Andriy Yermak belə bir görüşün danışıqların yeni formatının başlanğıcı olduğunu qeyd edib.

AzərbaycanXƏBƏRLƏRİ

Təsisçi, Baş direktor: Jalə Əlövsətqızı
Qaynar xətt:
+99455 899 72 94
+99450 496 49 02
Email: [email protected]

© 2023 Bütün hüquqlar qorunur. Məlumatlar götürülən zaman istinad mütləqdir.