Rus batalyonunun komandiri hərbi rəhbərliyi tənqid edib və rusların cəbhədə üzləşdiyi problemlərdən danışıb.

Azerbaycanxeberleritv.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

“Rusiyanın “Şərq” batalyonunun komandiri Aleksandr Xodakovski bildirib ki, Ukraynada cəbhədəki rus piyada qoşunları əks-batareya imkanları, komandir səriştəsi, tibbi təminat, rotasiya və təchizat problemləri ilə üzləşib.

Xodakovski iddia edir ki, rus batalyonları ilə qərargah arasında əlaqənin olmaması o qədər geniş yayılıb ki, Ukrayna qoşunları Rusiya qərargahının binasına hücum edəndə rus batalyonu qərargahın sıradan çıxdığını anlamayıb və müstəqil şəkildə əməliyyatlar aparmağa davam edib”, - məlumatda deyilir.

Qeyd edək ki, əvvəllər də Xodakovski rus qoşunlarının effektiv döyüş əməliyyatları aparmaq qabiliyyətinə təsir edən problemlərdən şikayət etmişdi.