Macarıstanın Azərbaycanla dostluğu iqtisadi vəziyyətdən asılı deyil. Biz Azərbaycanda təbii qaz mənbələri aşkar edilməmişdən xeyli əvvəl dostuq.

Azerbaycanxeberleritv.az xəbər verir ki, bunu Macarıstanın xarici işlər naziri Piter Siyarto azərbaycanlı həmkarı Ceyhun Bayramovla birgə Budapeştdə mətbuat konfransında deyib.

“Yadımdadır, biz 2010-2011-ci illərdə Azərbaycanla əlaqələr qurmağa başlayanda Avropada bizə qəribə baxırdılar. Ona görə də Qərbi Avropa liderlərinin indi Bakıda Prezident Əliyevlə şəkil çəkdirmək üçün bir-birilərini itələdiyini görmək gülməlidir”, - o bildirib.