Rusiya xarici işlər nazirinin müavini Mixail Qaluzin Ermənistanın Avropa İttifaqına daxil olması ilə bağlı qanunun qəbulunu şərh edib.

"Azerbaycanxeberleritv.az" xəbər verir ki, onun sözlərini “RİA Novosti” yayıb.

“Biz əminik ki, Aİİ və Avropa İttifaqı kimi iki əks assosiasiyada eyni vaxtda olmaq mümkün deyil. Harada olmağın daha yaxşı olduğuna rəsmi İrəvan qərar verəcək”, - Qaluzin bildirib.

O əlavə edib ki, Aİİ bərabərhüquqlu dövlətlərin birliyi olsa da, Avropa İttifaqı anti-Rusiya yönümlü bir strukturdur.

Qaluzin qeyd edib ki, Ermənistan öz inkişafını seçən suveren dövlətdir, lakin Aİİ üzvlüyünün bütün üstünlüklərinin Ermənistan cəmiyyətinə izah ediləcəyinə ümid edib.

Martın 26-da Ermənistan parlamenti Aİ-yə üzvlük haqqında qanun layihəsini ikinci və yekun oxunuşda qəbul edib.

Aİ-yə daxil olmaq təşəbbüsünü yalnız hakim “Mülki müqavilə” fraksiyası dəstəkləyib. “Mənim şərəfim var” müxalifət fraksiyasının nümayəndələri qanun layihəsinin əleyhinə səs verib, “Ermənistan” fraksiyası səsvermədə iştirakdan imtina edib.