2021-2023-cü illər arasında Antarktida buzlaqlıq qalxanı son onillikdə ilk dəfə olaraq illik 107 milyard ton (Gt) həcmində kütlə artımı göstərib.

"Azerbaycanxeberleritv.az" xəbər verir ki, bu, son 20 ildə sürətlənən buz itkisi tendensiyasına əks bir inkişafdır. Ən çox buz itkisi əvvəllər Qərbi Antarktidada və WL-QML şərq regionunda ("Uilkz" torpağı - "Qreyv Meri" torpağı) müşahidə olunub.

Bu dəyişiklik "GRACE” və "GRACE-FO” missiyalarının məlumatlarına əsasən qeyri-adi yüksək yağıntılarla əlaqələndirilir. Yeni məlumatlar göstərir ki, Antarktidanın dəniz səviyyəsinin artımına təsiri 2011-2020-ci illərdəki +0,39 mm/il göstəricisindən 2021–2023-cü illərdə -0,30 mm/il-ə qədər azalıb.

Lakin alimlər xəbərdarlıq edirlər ki, bu müvəqqəti artım sabitlik anlamına gəlmir. "Totten”, "Moskva”, "Denman” və "Vinsennes-Bey” buzlaqları hələ də ciddi təhlükə altındadır. Bu buzlaqların tam əriməsi qlobal okean səviyyəsini 7 metrdən çox artıra bilər.

Buz qalxanının dinamikası diqqətlə izlənilməli, çünki iqlim riskləri qüvvədə qalır.