Yəmənin “Ənsar Allah” üsyançı hərəkatından olan husilər İsrailə növbəti raket hücumuna görə məsuliyyəti öz üzərinə götürüblər.

"Azerbaycanxeberleritv.az" xəbər verir ki, Hərəkatın nümayəndəsi Yəhya Saria bildirib ki, üsyançı qüvvələr Təl-Əvivdəki hərbi obyektə hipersəsli ballistik raketlə hücum ediblər.

“Yəmənin raket qüvvələri işğal olunmuş Yaffo (Təl-Əviv) rayonunun cənubundakı İsrail hərbi obyektinə “Fələstin-2″ hipersəsli ballistik raketi ilə hücum edib. Raket hədəfə uğurla çatıb və zərərsizləşdirilə bilməyib”, – o bildirib.

Daha əvvəl İsrail ordusu Yəməndən raket buraxılışını qeydə alıb. Ordunun mətbuat xidmətinin məlumatına görə, raket İsrail hava məkanına çatmazdan əvvəl zərərsizləşdirilib. Ölkənin bir sıra ərazilərində raket təhlükəsi barədə xəbərdarlıq edən sirenalar səslənib.