2024-cü ilin dekabrında Aktau yaxınlığında “Azərbaycan Hava Yolları”na məxsus təyyarənin qəzaya uğramasının səbəblərinin araşdırılması üçün son müddət açıqlanıb.

Azerbaycanxeberleritv.az xəbər verir ki, bunu Qazaxıstan nəqliyyat nazirinin müavini Talqat Lastayev deyib.

“Beynəlxalq Mülki Aviasiya Təşkilatının tövsiyə etdiyi tələb və standartlara əsasən, araşdırma 1 il davam edir. Müvafiq olaraq, yekun araşdırma hesabatı bu ilin dekabr ayına qədər tamamlanmalıdır”, - o bildirib.

Lastayev qəza ilə bağlı cinayət işi üzrə istintaqın gedişi barəsində şərh verməyib:

“Cinayət araşdırması artıq prokurorluğun səlahiyyətindədir. Bu məsələ ilə birbaşa məşğul olan istintaq-əməliyyat qrupu var”.